𝗖𝗖𝗠 𝗬𝗔𝗦𝗜𝗦𝗜𝗧𝗜𝗭𝗔 𝗪𝗔𝗚𝗢𝗠𝗕𝗘𝗔 𝗞𝗨𝗝𝗔𝗗𝗜𝗟𝗜𝗪𝗔 𝗞𝗪𝗔 𝗞𝗨𝗭𝗜𝗡𝗚𝗔𝗧𝗜𝗔 𝗨𝗪𝗘𝗭𝗢, 𝗨𝗭𝗔𝗟𝗘𝗡𝗗𝗢 𝗡𝗔 𝗨𝗔𝗗𝗜𝗟𝗜𝗙𝗨, 𝗬𝗔𝗞𝗘𝗠𝗘𝗔 𝗠𝗔𝗞𝗨𝗡𝗗𝗜 - 𝗖𝗗𝗘. 𝗚𝗔𝗩𝗨

𝙑𝙞𝙠𝙖𝙤 𝙝𝙖𝙫𝙞𝙧𝙪𝙝𝙪𝙨𝙞𝙬𝙞 𝙠𝙪𝙬𝙚𝙠𝙖 𝙢𝙨𝙞𝙢𝙖𝙢𝙤 𝙠𝙬𝙖 𝙣𝙖𝙛𝙖𝙨𝙞 𝙮𝙤𝙮𝙤𝙩𝙚 𝙞𝙣𝙖𝙮𝙤𝙜𝙤𝙢𝙗𝙚𝙬𝙖

Katibu wa NEC - Oganaizesheni wa Chama Cha Mapinduzi (CCM) Taifa Ndugu. 𝗜𝘀𝘀𝗮 𝗛𝗮𝗷𝗶 𝗨𝘀𝘀𝗶 𝗚𝗮𝘃𝘂 leo tarehe 21 Juni 2025 amefungua 𝗠𝗮𝗳𝘂𝗻𝘇𝗼 𝗠𝗮𝗮𝗹𝘂𝗺 𝘆𝗮 𝗪𝗮𝗷𝘂𝗺𝗯𝗲 𝘄𝗮 𝗛𝗮𝗹𝗺𝗮𝘀𝗵𝗮𝘂𝗿𝗶 𝗞𝘂𝘂 𝘇𝗮 𝗖𝗖𝗠 𝘇𝗮 𝗪𝗶𝗹𝗮𝘆𝗮 𝘇𝗮 𝗠𝗸𝗼𝗮 𝘄𝗮 𝗜𝗿𝗶𝗻𝗴𝗮 yenye lengo ya kuendelea kujenga chama katika misingi imara na thabiti yaliyofanyika katika ukumbi wa Chuo Cha UVCCM Ihemi Mkoani Iringa.

Akiziungumza na Wajumbe hao, Ndg. Gavu amewataka viongozi ngazi ya Mkoa, WIlaya na Kata kuwa wakati utakapofika wa kujadili majina ya wagombea , wajadili kwa kuzingatia uwezo, sifa nzuri, uzalendo na uadilifu na si kwa kuweka mbele ukabila, urafiki wala undugu kwakuwa Chama Cha Mapinduzi (CCM) akihusudu kwenye hayo.

Ndg. Gavu amesema iwapo mgombea ana sifa za kugombea na anakubalika kwa jamii basi apewe kipaumbele bila kujali ni adui kwa baadhi ya wajumbe, kikao kinatakiwa kimpendekeze kwakuwa huyo atafaa kuwa mgombea kwa maslahi ya Chama Cha Mapinduzi na Taifa kwa ujumla, lakini iwapo mgombea hana sifa na hakubaliki kwenye jamii basi hata kama ni rafiki wa wajumbe hatakiwi kupendekezwa na kikao husika.

Akitoa msisitizo zaidi kuhusiana na wagombea wenye kuhitajika, Ndg. Gavu amesema CCM inataka vikao vyake kwa ngazi zote vitoe mustakabali mzima Maendeleo kwa Watanzania kwa ujumla kwa kuwapata wagombea walio tayari wakati wowote kujikosoa, kukosolewa na kukosoana.

Aidha, Ndg. Gavu ametoa onyo kali kwa kikao chochote kile kuweka au kutangaza msimamo kwa nafasi yoyote inayogombewa iwe Ubunge ama Udiwani na badala yake misingi ya Haki, Usawa na Uwazi izingatiwe.

Vilevile, Ndg. Gavu amesema vikao vitatakiwa kuzingatia aliyeongoza kwa kura za maoni isipokuwa kama iwapo itabainika wazi kuwa kura hizo alizipata kwa njia ya rushwa basi katika mchujo kikao hakitamteua kugombea nafasi aliyoiomba na lazima aelezwe wazi tuhuma zake.

Akihitimisha katika hotuba yake, Ndg. Gavu amesema vikao vyote vya uchujaji na uteuzi vizingatie mujibu wa Katiba na Kanuni za CCM, ambapo amesema CCM inaendelea kuwasihi wajumbe kuzingatia miiko na misingi ya CCM ili kutimiza lengo la Ibara ya 5 la kushinda katika chaguzi zote.

#OktobaTunatiki✅
#KaziNaUtuTunasongaMbele