CCM - Chama Cha Mapinduzi
Muda Wa Kazi: 24/7

Habari na Matukio Mbalimbali


SWAHIBA WA NYERERE APONGEZA UONGOZI WA SAMIA, AKITIMIZA MIAKA 99

alternative

Mwanasiasa mkongwe nchini, Alhadji Mustapha Songambele amempongeza Rais Samia Suluhu Hassan kwa kuliongoza vyema taifa.

Mzee Songambele ametoa pongezi hizo mbele ya Katibu Mkuu wa Chama Cha Mapinduzi (CCM), Balozi Dk Emmanuel Nchimbi, leo Jumamosi, Mei 25, 2024.

Balozi Nchimbi alikwenda nyumbani kwa Mzee Songambele Mwananyamala jijini Dar es Salaam kumfikishia salam za pongezi kutoka kwa Mwenyekiti wa CCM, Rais Samia kwa kuadhimisha miaka 99 ya kuzaliwa kwake.

“Mfikishie salam zangu mwambie anaongoza nchi vizuri sana…nchi imetulia…nchi iko baridi kabisa hata chama nacho kimetulia mambo yanakwenda vizuri kabisa,” amesema Mzee Songambele.

Ameongeza kusema kuwa iwapo mambo yangekuwa hayaendi vizuri, basi pamoja na umri wake mkubwa, angeenda makao makuu ya chama kusema.

Kwa upande wake, Balozi  Nchimbi amesema Mzee Songambele alifanya kazi kubwa ya kujenga Chama na Serikali tangu enzi za TANU na baadae CCM. 

Mzee Songambele alizaliwa mwaka Mei 25,1925, mkoani Ruvuma kabla ya kuhamia Magomeni, jijini Dar es Salaam, ambapo walikuwa miongoni kwa watu waliompokea Baba wa Taifa Mwalimu Julius Nyerere jijini humo.

Alikuwa rafiki mkubwa wa Mwalimu Nyerere na ndiye aliyemtafutia kiwanja Magomeni Mikumi ambako kuna nyumba ya Mwalimu, hivi sasa ikiwa ni Makumbusho ya Taifa.

Aliwahi kushika nafasi kadhaa ndani ya Chama na Serikali, ikiwa ni pamoja na ukuu wa mkoa.

alternative alternative alternative

Maoni & Mawasiliano

Unaweza kuwasiliana na CCM, kwa kutumia anuani hapo chini kwa Maswali yoyote na Maoni.
Chama Cha Mapinduzi, Kuu Street, P.O.Box 50, Dodoma-TZ.
Barua Pepe
Muda Wa Kazi
24/7
Anuani
P.O.Box 50